要數內地呢期火速冒起嘅人氣模特兒，必定非賴佳怡莫屬。佢嘅入行經過可謂無心插柳，話說任職空姐嘅佳怡，人靚身材好，加上服務殷勤，所以一直深受乘客歡迎。有一次，佢接受航空刊物訪問，更成為該刊物嘅封面人物，結果立即引起廣泛關注，唔少廣告公司同雜誌都打佢主意。佳怡認為接觸唔同嘅行業有助增加見識，於是佢喺公餘時間拍廣告同影雜誌硬照，因而人氣大升，工作亦接踵而來，除咗出席北京車展當車模外，又拍MV又做電視綜藝節目嘅嘉賓，最近佢更拍埋電影添！有記者問佢會唔會放棄空姐工作，全身投入模特兒行列，佢就話暫時唔會。
演出大膽
咪睇佳怡外表斯斯文文，平日打扮密實，當佢走入攝影棚，就會脫胎換骨，只要攝影師要求到，無論幾性感、幾大膽嘅演出，佢都唔會托手(月爭)，難怪佢嘅寫真集噴血度極高，而且要佢純情又得，狂野豪放亦得，演繹得恰到好處，睇嚟佳怡天生食呢行飯。至於身材方面，佳怡擁有35D上圍，配合纖腰及美臀，曲線玲瓏浮凸，實在惹人遐想，成為男士心目中嘅性感女神，所以粉絲們都希望佳怡當全職模特兒，因為到時佢就可以無底線地拍攝更多性感寫真，滿足大家眼球喇！
賴佳怡Profile
出生地：四川成都
三圍：35-24-36
身高：166cm
興趣：聽歌