世界波：Kiera Winter溝仔有計

今年只得19歲嘅Kiera Winter，剛喺舊年正式出道，絕對係四仔界嘅嫩口貨，再加上人靚身材正，自然備受四仔迷追捧。其實佢私底下食仔無數，自稱一早就失身，男朋友多到可以開四枱麻雀嘅Kiera，成日向傳媒大爆溝仔心得，博宣傳之餘，更可以吸引Fans注意，果然有腦！

其實以Kiera嘅身材同樣貌，溝仔絕對冇難度，但如果自問條件冇佢咁好，又想身邊男伴不缺，就要聽佢教授3招溝仔基本功，去到邊都唔怕冇仔吼啦！

早餐獻媚

男人天生鹹濕又貪新鮮，想同佢哋玩One Night Stand梗係唔難，但要埋身肉搏之後，仍然對你難捨難離，先至係女人嘅最終目的。所以Kiera話第一夜之後嘅早餐好重要，千祈唔可以忽視，最好可以早過個男人起身，為佢準備一個早餐，仲要赤裸奉上先至夠驚喜。

主動出擊

大部分男人都鍾意拍拖多過同居，因為佢哋覺得女人成日囉囉囌囌，有時寧願一個人獨處好過。所以Kiera話女人最重要懂得把握出擊好時機，間唔中主動衝上男友屋企，攪亂佢嘅私人空間，同時又擺出一副戰鬥格，挑起男人嘅即興獸性，可以增加唔少情趣。但事後記緊要主動離場，令男人於每次獨處嘅時候，都會諗起同你激戰嘅火辣場面。

浴室突襲

好多情侶都覺得沖鴛鴦浴好鬼浪漫同纏綿，作為前奏一定冇死，但Kiera就話鴛鴦浴有辣有唔辣，未必人人都啱，反而浴室突襲更刺激。尤其是女人向男人作出突襲，會令男人覺得你好熱情，又主動，男人對住個慾火高漲嘅女人，梗係想多啲親熱啦！