世界波：酒店三味過節爽到痹

佳節將近，大家預備好節目未呢？小弟我就預備好，聖誕假期間蒲足咁多晚，事關今年實在做得太辛苦，唔玩到天昏地暗真係對唔住自己。若然閣下乃係有婦之夫，未必可以出去蒲都唔緊要，因為孖住老婆去爆房都一樣咁開心過癮。

過節對於不同人士會有不同感覺，於我呢類單身可憐蟲就比有家室嘅開心少少，想蒲就蒲，想休息就休息。相反地，有家室嘅朋友就真係老公撥扇─妻（淒）涼喇。佢哋唔單止要陪愛人去參加充滿陌生朋友嘅派對，仲分分鐘要面對兩種慘絕情況：一慘者，女友太索，其他女仔嘅男友對其虎視眈眈；二慘者，女友太醜，被其他女仔立時比下去，受盡其他男人暗地裏恥笑！

如果唔去派對，去行街又係慘，成條街都係人，最衰就係今個冬天咁凍，班索女個個着到裹蒸糉咁，想趁人多擠迫嘅機會索吓油都唔得。是以呢種日子，小弟認為最好就係去爆房，一來唔使留喺屋企，二來又可以享受一下假期房事之樂，爽呀！

爆房度佳節

雖然假日爆房好可能會因為房價上調，而令你要付出比平日更貴嘅房租，不過都好過出街同人逼，亦好過同女友行街，被迫送上貴價首飾、手袋作為聖誕禮物。另外，去酒店房玩，可轉換一下環境，而且仲可以有好多新嘢嘗試，以令是次歡好更加激情好玩。

蜜月溫馨

好多夫妻都認為，大家成婚以來，最開心、最溫馨就係度蜜月嘅日子，如果你有排都未結婚，又或者已經結婚多年，點解唔預支或者重溫一下蜜月嘅歡娛呢？要令爆房有蜜月Feel，好簡單，只需預先Book定一間酒店房，然後稍稍以粉紅色、粉紫色嘅物品布置一下，同愛人入房之後再Order一支香檳同士多啤梨，兩者都有令人心醉嘅效果。另外，再嚟個鴛鴦泡泡浴，保證是晚溫馨又激情。

撕物派對

聖誕過後唔夠一個月就到農曆新年，大家一定會喺呢段短暫嘅日子當中盡量抽時間去買新衫過年。買完新衫，舊衫又點呢？不妨精彩地、盡情地、毫無保留地燃燒佢哋最後一點生命光輝─於爆房時換上呢批舊衫，然後狠狠地將舊衫撕爛，同伴侶一齊發揮狂野嘅獸性，真係諗起都躍躍欲「撕」！當然，要帶定另外一套新衫去換啦！若然唔想撕衫咁浪費，半剝衣物席地而戰都一樣夠High，之後攞啲衫去捐咗佢咪夠晒環保囉！

女僕滋味

如果閣下曾經或依然迷戀日本AV片，亦對其中嘅女僕系列有興趣，呢個假期正係大家滿足慾望嘅時候！爆房時，可以試玩僕役誘惑，由你扮男工人，或者由愛人扮女僕。主人先入房等候，再等扮演僕役嘅愛人叩門入房，假扮打掃再出手清理主人嘅慾火。聖誕節前後咁多派對，即使你同愛人打扮成僕役，旁人都唔會投以奇異目光，咁就唔怕尷尬啦！