《我要做人，也要做愛》
好多夫妻新婚時都十分恩愛，性生活多姿多采，但一生咗小朋友之後，太太就會首先失去性趣，跟手連丈夫都會厭倦埋性生活。於是，一有外來誘惑，丈夫就會輕易做出越軌行為，令大好家庭生變！唔想悲劇發生的話，有本書可以幫到大家，就係由台灣晨星出版社翻譯成中文嘅《我要做人，也要做愛》。此書副題「讓伴侶產後重享親密性愛」，正正道出作者希望丈夫幫助、教導同協助太太，喺照顧新生小朋友嘅同時，不要忘記夫妻親密關係嘅主旨，當中提供咗唔少有用嘅方法。筆者認為呢本書反而適合畀太太睇，因為作者指出唔少初為人母女士們嘅思想誤區，只要將舊有嘅觀念改變，就可以輕易重拾夫妻間嘅性愛歡，兼且能有助維繫美滿嘅婚姻生活。