囡囡好演技

最近有唔少玩家向我訴苦，話家陣夜總會囡囡啲戲仲好過影后，坐枱時飲酒猜枚表現正常，但上到房後就做晒戲，扮到咩都唔識做，又驚到喊，玩家見到囡囡咁可憐，都會產生憐憫之心，於是快快趣趣完事就放囡囡走人，點知原來囡囡只係做戲，其實佢哋唔想花工夫服侍客人咋！

其中一位玩家講佢嘅經驗，話說當晚佢入到夜總會後，就揀咗身材高挑嘅Model級囡囡，跟住佢成晚攬住囡囡唱K劈酒，玩得都幾開心，之後佢就同囡囡上房。點知一入到房，囡囡表現得驚驚青青，既唔識幫客人寬衣解帶，又唔肯畀人手多多，沖涼嗰陣，幾乎零肉體交流。上到床仲衰，囡囡就話想傾吓偈培養感情，玩家為表現風度，同囡囡吹水吹足半粒鐘，跟住玩家諗住埋牙，呢個時候囡囡即時影后上身，眼濕濕話自己係第一次上房，咩都唔識做，玩家見佢個樣咁可憐，於是喺冇前奏又冇玩花式下，草草了事算數，然後就放囡囡走人。

可惜玩家表錯情，事關睇過唔少報告都表示遇到類似情況發生，話係巧合都冇人信啦！