女建築師賣肉求趕工
建築界一向係男性嘅天下，女人想喺行內立足真係唔易，佛羅里達州有位女建築師，因為要趕工所以落地盤巡視，點知就使唔郁班地盤工友，結果要賣肉求和。不過好彩佢本身都係有料之人，面對成班虎虎生威嘅工友，竟然毫無懼色，用一對波餅將佢哋收服。
博有勤工
事緣呢位女建築師，去到地盤巡查時，發覺有工友偷懶，影響工程進度，於是佢就發爛渣，點知班工友仲惡死過佢，恃住自己人多，集體玩按章工作，女建築師喺無可奈何之下，惟有使用軟功。佢立即將自己件恤衫衫鈕解開，露出一條深不見底嘅事業線，班地盤工友一見到就立即冧晒，仲個個流晒口水。
女建築師見到佢哋態度軟化，就立即乘勢而上，大派波餅，又送秋波，終於冧到班工友立即起動趕工，佢仲暗示邊個夠勤力就有勤工獎，搞到班男人起勢搏命鋤，拿拿聲趕工，希望之後可以同佢打番場友誼波當獎勵！咁樣催啲工人趕工法，都好大犧牲啫！