世界波：四仔導遊冧暈團友

美國自從金融海嘯之後，經濟一直無起色，國民出外旅遊嘅興致也大減，不過加州有間專營本土旅遊嘅公司就大收旺場，事關佢哋大搞四仔旅行團，搵脫星做導遊，吸引唔少單身男士幫襯，Jessica Lynn就係其中之一，佢話做導遊仲好搵過拍四仔。

阿妹喺行內嘅知名度一般，所以片約唔多，平均一個月至拍一套戲。不過，佢話自己大使，片酬又唔高，所以得知搵四仔脫星做導遊就立即去應徵，仲話自己口才好，做導遊難佢唔倒。

豬籠入水

結果個旅行團大收旺場，帶挈阿妹人氣上升，各大小四仔電影公司都爭住搵佢拍戲，真係豬籠入水。Jessica話：「最初都係諗住搵吓外快，橫掂都拋咗個身出嚟做，梗係搵錢至上喇！女人青春有限，如果呢幾年搵唔到錢，就真係白白浪費咗，結果依家因為做導遊而人氣急升，片酬仲三級跳，真係出乎意料之外。」

爭住應徵

旅遊公司亦食住個勢辦多幾團，除咗Jessica之外，仲想搵多幾位脫星坐鎮，好多脫星見Jessica突圍而出，都爭住去應徵。阿妹話：「有我做開荒牛嘛，依家好多姊妹見反應好，就梗係爭住做，最初佢哋個個都耍手擰頭，又話錢少又話無着數，無端端去做導遊，對星途點會有幫助，但係事實證明佢哋嘅諗法係錯嘅！我可以彈出都係靠做四仔旅行團導遊，所以話世事無絕對嘅。」

作品推介

碟名：《Fxxk Team》

內容：Jessica飾演精銳人慾部隊隊員，由沙灘打到入屋內，再由屋內打出叢林，戰況激烈，令人大開眼界。

Jessica Lynn's Profile

三圍：34C-25-34

身高：5呎4吋

年齡：27歲