法令深性保守
男人如果年過40，法令又長又深，咁證明佢喺公司內一定係話得事嘅人，但記住，話得事未必一定係老闆，只係公司上下大小事情，都由佢嚟發號施令，如果法令愈生得開闊，就代表佢唔單止可號令一間公司，更有能力號令同一個專業。
法令深闊嘅人，佢哋全身上下都會散發出領導嘅風采，一舉手一投足都魅力十足，身邊靚女自然一籮籮，但奉勸一句，佢哋絕對唔會係一個好情人，喜歡英雄偶像嘅囡囡就冇問題，但如果想搵人嗲吓撒吓嬌，咁搵佢簡直對牛彈琴，完全冇反應。
至於喺房事上，更加會令女性大失所望，因為佢哋既保守、又傳統，往往一招走天下，只可惜崇拜偶像期一過，做佢哋嘅另一半都幾慘吓。