露乳為日本打氣
如果大家唔善忘，應該都會記得幾年前，香港國際七人欖球賽嘅盛況，但我唔係想講比賽嘅戰況，而係在場嘅外籍女球迷嘅打氣實況！佢哋於愛隊比賽時，固然叫到聲嘶力竭，但除咗尖叫、驚叫同狂叫之外，仲好鍾意拉高件衫，露出一對巨乳以示對愛隊嘅支持。近年非常活躍嘅烏克蘭女權組織Femen決定有樣學樣，一齊露乳打氣！
半裸上陣
喺3月14日當日，烏克蘭最出名嘅女權組織Femen嘅成員又再出動，佢哋有感於日本因地震而傷亡慘重，仲有唔少災民正面對困境，為此Femen嘅女成員就走上街頭齊齊露乳為日本人民打氣，希望佢哋堅強面對逆境。
另外，女成員除咗赤裸上身上陣外，仲拎埋日本武士刀，藉此弘揚日本不屈不撓嘅武士道精神。而最過癮就係當日其中一位女成員舉起一個標語，上面寫住「Let's shake boobs and not earth」，意思即係話「一齊搖胸部，咪搖地球。」似乎係要向上天抗議喎！