男性睫毛長 美女纏身
有啲男仔眼睫毛好長，而且仲天生向上微翹，原來呢種男人審美眼光會好強，如果從事藝術鑑賞或者創作會有唔錯嘅成就，做人喺公事上冇得頂，但喺私事上，就會比較冇主見，特別係容易受權威人士影響，只要對方稍為大聲就會動搖。
感情上由於大多數眼睫毛長嘅男仔，外形都唔錯，所以身邊不乏美女，除非心目中女神出現，否則佢哋唔會主動出手，平時都係由身邊女性做主動。佢哋喺感情上比較隨便，抱泛愛主義，較難從一而終。除非當中有個特別強勢嘅女友，能夠力壓佢嘅同時，仲可以力壓埋佢身邊嘅女伴，咁就可以修成正果。但你要祈求女神永不出現，否則佢哋一定會去追求女神。性事上屬浪漫溫柔型，喜歡畀對方驚喜，算係唔錯嘅床伴。