半裸舞孃齊剷雪

好多女人都好想過一個會落雪嘅冬天，貪佢白茫茫一片夠浪漫之餘，仲可以去滑吓雪，打吓雪戰。不過，落雪其實好麻煩，除咗會阻礙交通，仲要落手落腳剷雪，都咪話唔辛苦！不過剷雪有時都未必係一件苦差嘅，只要身旁有個半裸索女陪你一齊剷，咁就可以苦差變艷事！

用心良苦

小弟之所以咁講，係因為較早前，美國嗰邊又落雪，而喺紐約時代廣場附近嘅街道，更有接近9吋嘅積雪，而當中嘅E79街由於冇乜人住，加上該處嘅商廈負責人又唔多想理，因此就令積雪情況持續嚴重。

結果，一班脫衣舞孃就喺呢個時候為民請命，身披皮草，但係內裏就真空上陣咁樣去剷雪！由於班脫衣舞孃個個都身材驕人，雙乳又圓又大，加上唔肯扣鈕，搞到一路剷雪，一路雙乳半露，甚至全露！惹嚟大批民眾圍觀同拍攝，而佢哋見大家睇得咁高興，更索性打開件皮草等大家細心欣賞！

後來，有人訪問過班脫衣舞孃嘅老闆，發現舞孃半裸剷雪嘅原因，除咗係想幫市民清理積雪之外，最重要係因為佢哋工作嘅男士俱樂部，正正位於呢條街，剷晒啲雪之後，市民行過就知道佢哋冇因大雪而休業啦，果然係用心良苦！