擺明偷窺 用眼蹂躪你

繼年前嘅「妄攝」寫真大熱後，今年日本仔又有乜新搞作呢？原來係「視姦」。各位咪緊張住，名稱確係離晒譜，不過男女雙方事前已傾好條件，而交易過程絕無任何身體接觸，甚至連見面都唔使，改個咁激嘅名，純粹都係想滿足一眾愛幻想嘅男人啫！

據日本傳媒指，「視姦」一詞起源於日本，而玩法則出自「妄攝」寫真。上年日本仔排山倒海推出密實姑娘剝光豬寫真大受外界歡迎後，連本地o靚模都有樣學樣，結果引發一陣熱潮。日本方面繼續發功，就連不知名、身材火辣嘅素人都拍妄攝寫真推出市場，仲愈玩愈有！最後寫真發展到唔見全樣，只影眼部以下身體部位，但內容就四點不露，只會重點拍攝當事人三圍，如隔胸飛釘、露胸圍底褲邊、甚至囡囡着裙，但底褲退至小腿等，好讓好色之徒透過性幻想滿足快感，因此亦有「視姦寫真」之名！

隔室觀看 指揮動作

玩到咁激，又點會少得AV界同風俗界參一腳發財呢？東京一眾風俗店即時做嘢，以「視姦」服務滿足一眾偷窺男！所謂「視姦」風俗店，實情比一般風俗店更「合法」，皆因整個交易過程雙方自願，而且絕不會有任何身體接觸。

就以東京池袋一間風俗店為例，場內每個時段約有10位囡囡駐場，以不同女性身份打扮、吸引玩家，由o靚模到OL以至師奶都有。據風俗店解釋，玩法係客人入場後，可按喜好提出囡囡年齡及服飾要求，然後客人會被安排到房內等候，囡囡就會出現於另一間房，透過反光玻璃睇辦，客人可以決定囡囡是否合適，若然啱心水就可以開始服務。

至於房間設計亦經過心思，例如客人挑選「師奶」角色風俗孃，囡囡就會着到好似師奶咁款，安排於一間睡房設計嘅房間內不停打掃，而客人就透過性幻想自娛。

如客人想囡囡企高踎低，只要對住個咪講就可以，囡囡永遠冇Say No，客人亦可以透過房內附設嘅攝錄鏡頭，Zoom遠Zoom近欣賞囡囡胴體。睡房以外，更有酒吧、浴室、健身室、辦公室等場景可供選擇！而近期更發展到「豪華版」，連玩癡漢列車嘅主題車廂都有，完全滿足一眾癡漢需要！

零距離欣賞

對於呢種「視姦」玩法，有人話大部分玩家都有戀物傾向，同時性能力有問題，由於無法正常交合，惟有透過「偷窺」刺激，自娛解決。但若嫌隔室視姦唔夠到肉，坊間亦有零距離「明窺」視姦玩法。喺涉谷知名風俗店內，可安排客人同囡囡到真實場景玩「視姦」服務。但費用相當昂貴，事關包場費由客人支付，而暫時最多客人揀嘅正係AV題材出現最多嘅色慾泳池！

有玩家表示，租用泳池每小時大約HK$3,000，而囡囡會按客人口味，穿上泳裝暢泳，客人雖然眼看手勿動，但可以出聲要求囡囡擺出各種甫士，零距離視覺「欣賞」，嗅覺「感受」，呢種性幻想交易，究竟係風俗界嘅進步定退步呢？