歪鼻姑娘易墮風塵
女性一生嘅幸福，最緊要睇個鼻生得正唔正，如果從正面望埋去，發現鼻線唔係垂直，而係偏埋左右任何一面，我哋都稱為「歪鼻」，相書話係剋夫之相，其實以現代嘅解釋，「歪鼻」嘅女性只係野心會特別大，而且為求目的有時會不擇手段，所以佢哋從商一定可以名成利就。
以前女性從商機會不大，「歪鼻」嘅女性想發圍，只能墮入風塵，想當年一啲搵到盆滿缽滿、自行收山嘅名妓，大多數都係「歪鼻姑娘」。感情方面，只要搵到啲聽教聽話嘅好男人，自然會過住幸福愉快嘅生活。
佢哋覺得性係令佢哋得到一切嘅手段之一，所以喺博上位期間，佢哋會忘情棄愛，就算遇上真心人都會犧牲；但當佢哋得到一切之後，就會為愛而生，呢個時間追佢哋，除咗人財兩得之餘，囡囡亦有機會因為之前嘅歷練而令床技變得老練，令夫妻間嘅房事晚晚都精彩無比。