肥賢同女友美華今日放假，睇完戲、行完商場之後，就去到一個公園散步。二人坐低欣賞鳥語花香嘅同時，美華突然興之所至，問肥賢一條IQ題，美華問：「樹上面有十隻雀仔，一槍打死咗一隻之後，仲剩低幾多隻呀？」肥賢諗都唔諗就話：「乜條問題咁老套o架！一槍打死咗一隻雀仔，其他雀仔嚇走晒，咪一隻都冇得剩囉！」美華笑笑口話：「一隻死咗，其他九隻都冇事，答案應該係仲有九隻呀傻豬豬！不過我鍾意你嘅諗法！」肥賢聽到之後好唔服氣，於是反問美華一條IQ題，肥賢問：「三個妙齡女郎各自食波板糖，一個用咬，一個用舔，一個用啜，請問邊個結咗婚呢？」美華面紅紅咁話：「係咪……啜嗰個呀？」肥賢話：「梗係手上面有戴結婚戒指嗰個啦，傻豬豬！不過，我都好鍾意你嘅諗法！」