本文重點
呢期最多人關注嘅，莫過於進行中嘅足球盛事。唔少人都組團落吧包場睇波，但講到出位程度點都唔及一名叫「KK」嘅女網友，佢開出高價誠聘同居男友陪睇波。不過，事件傳出唔夠三日，佢嘅真正身份就被人識破。
踢爆身份
最近各大論壇都流傳一個美女徵友視頻，自稱「KK」嘅佢身穿紅色吊帶裙，對住鏡頭講出徵同居男友陪睇波嘅各項條件，例如年齡、身材、性格等等。仲話如果有幸被選中，除咗可以同佢同居之外，每日仲會有¥1,000酬金。
有女陪睇波之餘，仲有錢搵，聽落認真吸引，但由於大多數網友嘅自薦郵件都未獲回覆，令人懷疑事件真偽，終於有網友去佢嘅博客瀏覽，至發現原來佢係內地演員兼模特兒高美儀。有網友相信佢以匿名徵同居男友陪睇波，只係為咗谷人氣，但姑勿論真相為何，今次佢已經出晒位啦！
高美儀Profile
年齡：23歲
身高：172cm
體重：50kg