宣示不滿

呢四名靚女，全部身高都超過一米七，身材出眾，攞住把大掃把不停掃地，搞到塵土飛揚。未幾，一眾傳媒朋友聞風趕至，於是美女們慢慢停落嚟，戴上布條，上面寫住「嘉陵電廠掃地出門」，意思係想趕走電廠咁解，唔通佢哋係搞社會行動嘅？

據記者報道，呢四位美女係分別來自四川師範大學、成都理工大學同埋西南民族大學嘅學生，有兩位更係兼職模特兒，因為想向電廠表示不滿，於是相約以行為藝術，表達減污染重環保嘅訊息。

最後擾攘咗一個小時左右，美女們就收拾細軟，向傳媒揮手道別。事後當地傳媒出力炒作，但奇怪嘅係，大家都將注意力放喺四名比堅尼美女身上，至於佢哋爭取嘅環保訊息同埋減少電廠污染嘅訴求就不了了之，於是就有網友質疑呢四個女學生到底係想為民請命，還是想博出位呢？只有佢哋自己至知喇！