港隊小粉絲淚灑卡塔爾球場,牽動全港700萬人心。昨日也有3名小球迷乘復活節假期,特別到機場迎接港隊,更揚言有朝一日「要好似香港隊咁叻」。

Michael着起羅拔圖波衫迎接偶像。

香港球迷攜同「香港隊勁揪」橫額接機。

立志代表香港隊

昨晚除香港力量成員特別複製30年前「519」中港大戰的「香港隊勁揪」橫額,歡迎港隊奮戰回歸,年約10歲的方小朋友、彭小朋友及陳小朋友,昨晚亦乘復活節假期迎接心中英雄。本身司職門將的方培鑫及視葉鴻輝為偶像的彭家曦,直言也有為港隊流淚。方培鑫更揚言:「香港人,梗係支持香港隊!」他表示上次為球賽流淚,已是巴西於前年世界盃4強以1:7慘敗予德國 ,但感受截然不同:「香港隊係代表我哋,睇得仲投入啲。雖然港隊輸波,但撐自己人無需要解釋」。司職左閘的彭家曦更揚言要立志當上足球員,「我都要代表香港隊」!

至於從晨曦年代已支持羅拔圖的球迷Michael,穿上偶像球衣迎接,更激動至落淚:「睇住佢一個普通外援默默奮鬥7年,到今日代表港隊,過程一啲都唔容易,希望佢以後繼續為香港隊踢好波!」