湖人王牌高比拜仁昨日於聖安東尼奧，出席最後一次作客馬刺的比賽。這位超級巨星過去20年與馬刺鬥得難分難解，馬刺球迷恨之入骨，但今仗都為季後就會引退的小飛俠打氣。高比雖然於下半場施展渾身解數，但紫金軍團仍以102:106不敵馬刺，未能以贏家身份離開德州。

高比仔（24號）上籃依然勇猛。（美聯社圖片）

普波域治：堪比米高佐敦

高比拜仁在常規賽（連同今仗）、季後賽已與馬刺對壘了90場，是小飛俠對戰最多的球隊。高比賽前明言太多回憶：「呢個地方太多回憶，好嘅、唔好嘅都有，好難話畀大家知最難望嘅事。」馬刺主帥普波域治與高比英雄所見略同：「我成日淨係諗起佢轉身射入好靚嘅Fadeaway。」

回說比賽，高比今戰上半場表現不濟，幸得奇勒臣支撐大局，湖人半場只落後單位數分差。小飛俠下半場找回比賽節奏，最後兩節18射7中，助球隊於第3節超前。惟紫金軍團第4節未能乘勢追擊，結果以4分之差力戰而敗。攻入全隊最高25分的高比，賽後獲普帥大讚：「睇高比就好似睇緊米高佐敦咁，真係好精彩。」湖人離開德州後，周三將作客溜馬。