隨「黑雙塔」基藍馬及法圖斯雙雙轉戰中甲，東方需要依靠土炮中堅黃志聰及曾至孝臨危受命。當中33歲的「聰頭」早年效力低組別聯賽，獲妻子鼓勵放棄運輸工作勇敢追夢，終能等到遲來的春天。

黃志聰（下）

東方下月將有外借夢想駿其的基頓回歸，但今仗仍需以串演中堅的羅拔圖，夥拍黃志聰或曾至孝扼守中路。有別於「戰神孝」17歲便初戰甲組，早年於低組別聯賽打拚的「聰頭」，在26歲才隨淦源亮相頂級聯賽。前季效力的屯門於季中鬧出禁賽風波，想過放棄的「聰頭」獲東方招手，如今更迎來正選良機，他也直言意想不到：「以前球市低迷，就算曾經有甲組球會招手，都冇諗過踢波搵食。好彩得老婆鼓勵點醒，冇理由擔擔抬抬就一世，嘗試過起碼將來回憶都叫做踢過職業。估唔到來到東方除有機會影捧盃相，今季更有不少上陣機會。」「聰頭」深知起步較遲，需要付出更多拚勁彌補先天技術不足，操練時毫不錫身：「年紀大了更加要以態度搭夠，不過有時比賽『收唔到掣』，以致容易受傷，這方面還需好好調節。」