公牛輸波，占畢鬧教頭！公牛昨日作客對紐約人，因日前與活塞激戰4次加時，眾將疲憊不堪，結果以91:107不敵藍橙軍團。今仗表現一般、只攻入12分的占美畢拿賽後發牢騷，指教練賀貝治「太好人」不夠嚴格，未能推動球員全力作戰，言語間暴露公牛內部不夠團結。

占美畢拿（右）落場表現一般，賽後批評教練唔夠嚴格。（美聯社圖片）

公牛日前主場與活塞鬥足4次加時，終以144:147輸波，對球員的體能消耗極大。昨仗公牛於比賽初段、第3節雖有不俗發揮，但紐約人大部分時間處於上風，憑狀態回勇的主將安東尼攻入27分，協助球隊以16分大勝。公牛吞下2連敗，戰績改寫成15勝10負。

「球員打得唔好要提點」

今仗只交出12分、5次助攻的占畢，賽後被問到球隊是否需要交易改變現狀時道：「我相信隊友，我諗依家比較重要嘅係教練要嚴格啲。我都知賀貝治係個比較悠游嘅人，但係當球員打得唔好時，佢有必要話兩句，包括我都要。」球員絕少公開批評教練，就連公牛前教頭泰保杜被炒前，即使與球員關係緊張，都未曾出現這種情況，證明公牛現時內部不齊心。

同日另一場賽事，湖人作客以78:118慘負雷霆。紫金軍團主將高比拜仁今戰因右肩痠痛未有披甲，今季第1次缺陣。