騎士昨日作客塘鵝，「大帝」勒邦占士惡鬥安東尼戴維斯，引得NCAA超新星施文斯入場偷師。全場轟入37分的占士於第4節大發神威，單節攻入23分，將比賽帶入加時。不過，安東尼戴維斯將加時變成個人騷，結果帶領主隊以114:108力挫騎士，終結4連敗頹勢。

占士加時一分都攞唔到。（美聯社圖片）

占士與戴維斯兩位狀元對決，吸引到路易斯安那州立大學新星施文斯入場偷師。施文斯被譽為「新大帝」，連占士亦大讚這位明日之星：「我唔介意同人比，呢啲事成日都有。佢有個好支持佢嘅家庭，所以先可以喺球場上大放異彩。」施文斯就直認入場偷師：「占士係籃壇最佳球員之一，同我身形亦差唔多，我想喺佢身上學嘢，收為己用。」

兩大前鋒在新星面前亦施展渾身解數，占士在騎士第4節落後時挺身而出，全節狂轟23分，最後15秒更反超。惟大帝在塘鵝後衞賀列地射入追和3分球後，絕殺Fadeaway失手，雙方要在加時分勝負。主隊前鋒安東尼戴維斯在加時獨取6分，帶領球隊以6分之差擊敗騎士，終止4連敗。

高比入選里奧候選名單

同日，湖人球星高比拜仁作客鷹隊再次失去手感，19射4中得14分，紫金軍團最終亦以87:100不敵鷹隊。高比雖然決心退役，卻依然入選美國男籃明年挑戰里約奧運的候選名單，這位37歲老將亦表態，如果身體狀況許可，願意為國出戰奧運，力爭個人第3面奧運金牌。