「2015瑞銀香港高爾夫球公開賽」進入白熱化階段，為將高球運動魅力散布全港，昨日傍晚更在遮打花園舉行「都市高球挑戰賽（Urban Golf Challenge）」，一眾香港公開賽球星都齊齊出席，在鬧市中大騷球技，技驚四座！

昨晚多名參與香港公開賽的球星，包括暫時名列第1的羅斯、德斯汀莊臣、瑞德、杜彼森、麥杜維及贊弟，「拉隊」去到遮打花園參與挑戰賽，6位球手先在高台上，嘗試將球打到66碼外的果嶺，結果羅斯無論在公開賽或挑戰賽表現同樣出色，先勝一局！

靚仔又Nice多粉絲

之後各球手移師到特設的「果嶺」，在沙坑中嘗試將球打入洞，最終仍由羅斯大獲全勝。這位暫時在香港公開賽領先的英格蘭靚仔球手大受歡迎，賽後遭粉絲團團圍住索取簽名及合照，他亦Nice爆對所有要求來者不拒，一班特地前來觀賽的球迷既可欣賞精湛球技，又可與球星近距離接觸，盡興而歸。