昨晨世界盃亞洲區外圍賽C組賽事，中國作客0:1輸畀卡塔爾，分組賽4戰得7分只排第3位，香港隊喺同分同得失球下，以較多入球升上第2位。中國隊賽前拉隊去杜拜集訓，希望適應卡塔爾炎熱天氣，點知開波前一日先知道，卡塔爾個球場會開冷氣，比賽期間場內氣溫降到20度，中國主帥比連都話：「早知開冷氣，我哋留番北京備戰啦！」

國足鄭智（右）力拚仍無功而還。