夢想駿其今季首度亮相港超聯，一如其隊名實現了隊中許多職、球員的「夢想」，當中包括自15歲加入天旭青年軍、一直隨該隊由丁組開始打拚，到今季躋身頂級聯賽的「9號仔」鍾偉強。

現年19歲的鍾偉強，身高1米76，能勝任中前場多個位置，年紀輕輕已甚有「通天老倌」Feel。面對記者提問顯得有點害羞的他，坦言今季能成為夢想駿其一分子乃夢想成真：「我15歲加入天旭青年軍就跟『朱Sir』（即夢想駿其總監朱偉霖），當時佢同我哋講，要一路打上去，希望我哋可以實現做職業足球員嘅夢想！好開心，當時大家定下嘅目標，可以喺幾年後嘅今日達到。」鍾偉強謂經過兩場港超聯賽事，讓他感受到勝利和落敗的大不同，亦令他明白，要成為成功的職業足球員，還有很長的路要走、還有很多東西要學。

獲夢想駿其會方寄予厚望的「偉強」，對踏上職業足球的第一季，有機會在隊中老大哥福田健二身上「學嘢」感到興奮：「福田生經驗豐富，喺日本球壇又有名氣，難得佢一啲架子都冇，好肯教我哋呢班後輩，比賽時更不斷提場同鼓勵大家，係隊中嘅精神領袖。」最後，這位天旭「青訓產品」謂會繼續努力，期望在隊中穩佔一席位之餘，可以快點取得入球！