上周驚險反勝標準流浪的東方，昨午在「中銀集團人壽香港超級聯賽」，首度假主場旺角場迎戰黃大仙，再一次「煲魚生粥」僅以1:0小勝而回。雖然取得兩連勝暫居榜首，然而主教練楊正光對球隊表現感到失望，坦言必須盡快改善，否則下仗難與聯賽霸主傑志周旋。圖/文：Martin

東方（藍衫）今仗多次發動攻勢，惜只能入一球。

東方今仗正選與上周比較有4個變動，越季坐波監的基藍馬「刑滿復出」鎮守後防，而李康廉則代替受傷的徐德帥上陣，上場輸波的黃大仙亦變陣，由劉梓堅、馮啟匡、日本球員伊藤絃平任正選。

黃大仙物色巴西中堅

開賽初段東方門前即告出現險象，基藍馬禁區內解圍「波打手」，幸好獲球證網開一面逃過「極刑」命運。戰至23分鐘，東方憑一次角球攻勢，由巴域斯左腳射入，東方上半場領先對手1:0。

下半場東方換入鄭景璟，代替有黃牌在身的曾錦濤。「阿井」換入後表現稱職，66分鐘扭過對手傳個靚波畀美路史拿域，但後者未能為東方增添紀錄，卻令黃大仙的嚴密防線踢出信心，中前場更製造多次機會，其中廖培楓及黃駿軒都有扳平機會，但門將葉鴻輝未有鬆懈，多次化險為夷，之後雙方再無交收，東方小勝1:0取得兩連勝。

不過東方主帥楊正光賽後一面愁容，他說：「很失望，球隊未能將季前特訓的成果發揮出來，面對密集後防未能組織攻勢，我們下星期就要對傑志，這段時間必須從速改善。」黃大仙開季兩連敗，但球員今仗踢出士氣，教練之一的潘文俊表示，會方正物色一位巴西中堅來港，期望進一步鞏固防線，像上季一樣為球壇製造驚喜。

遊戲攤位排晒長龍

昨日是東方今季首次主場，東方一向多球迷，每次主場比賽都好似開嘉年華一樣，有汽水、爆谷，每個遊戲攤位都排晒長龍，一班小球迷更可挑戰由紙牌葉鴻輝「把關」的射門遊戲，夠晒創意。