騎士今季組成東岸最強陣容，雖擁有勒邦占士、艾榮及路夫3大球星，奈何後2人受傷收咧，「大帝」勒邦占士一人在總決賽獨力難支，最後與球隊史上首個總冠軍擦身而過。不過，拉斯維加斯的博彩公司，仍看好騎士可在下季奪得總冠軍。

占士賽後無厘神氣。（美聯社圖片）

歸咎冇明星球員

騎士總場數以2:4不敵勇士，無緣捧起球隊首個總冠軍獎盃，「大帝」賽後將失盃責任推在主力球員受傷上：「我好熟NBA歷史，我從未見過一隊球隊可以喺少過2個明星球員嘅情況下，奪得總冠軍。我哋有3個主力只可以文裝一度，喺場邊睇波。」不過，占士一出口就錯，因為火箭於1994及95年兩奪總冠軍時，就只得奧拉祖雲一人入選明星隊。

雖然騎士今屆無法奪冠，暴露球隊主力及支援球員實力有很大的斷層，但賭城博彩公司Westgate SuperBook，仍看好他們下年可以奪標，騎士的奪標賠率為3.25倍，至於來季衞冕的勇士則為6倍。