巫師後衞比爾昨日於上海NIKE總部，出席RISE「打出名堂」論壇，為新一屆活動造勢，並大講波經。21歲的他自稱最喜歡名將艾佛遜（AI），卻不願拿他與「波神」米高佐敦（MJ）比較，皆因「我細個唔知佢係邊個！」

比爾真係大膽，連波神都唔畀面。

比爾首次訪華笑容滿面，有問必答。面對「最喜愛球星第一位」這條必問題目，比爾不假思索說出艾佛遜的名字，更自爆小時候打波抄足AI，連造型都不例外。被問到AI、MJ哪個較強時，比爾不願作比較：「我必須要講嘅係，我唔係睇MJ大。佢96年退休，我93年出世，當時先得3歲，嗰時我都唔知佢係邊個！」

自爆細個畀阿媽逼打波

講起自己的籃球起點，比爾笑指自己並非自願打波：「當時我6歲，最初係畀阿媽逼去打波，好多痛苦回憶。」NIKE今年續辦「打出名堂」活動，協助大中華區的籃球發展，比爾寄語球員要享受打波樂趣，努力追夢及不要自滿。

比爾在訪問後略作休息，就跟女友Mikla McGee一起睇NIKE亞洲訓練營的明星賽，不時大聲講、細聲笑，令由台灣趕來觀戰的帝王中鋒古辛斯，都慘成「電燈膽」。

黃律堯夢想外闖

至於効力甲一球隊晉龍的小將黃律堯，上年參加「打出名堂」代表香港參賽，最後當選賽事3位MVP之一。他昨日出席新一屆的造勢活動，透露自己希望成為香港隊球員，又抱着出外打波的夢想。

黃律堯在活動中表示在「打出名堂」接受D-League教練指導，在訓練中學習到不少平時忽略的細節。他又稱成名後比賽對手會更認真防守，令自己更想認真打波，力求進步。談到自己的夢想，他表示想成為香港隊代表，並且希望在未來3至5年衝出香港，到CBA或SBL發展。李榮康上海直擊