文彼得，外號「Man Pei」，自1999年在傑志展開職業球員生涯以來，除以陣上拚勁十足、死纏爛打見稱外，亦是球圈公認的帥哥。1982年2月16日出生的他，現年33歲，雖然過去在這個歲數、甚至更早「卸甲」的球員多的是，但立即轉任球會管理層的卻非常罕見。「希望可以邊做邊學啦！畢竟喺呢個崗位上面，好多人同事對我嚟講都係全新嘅體驗！」文彼得十分堅定地回應。

考定牌為「轉行」鋪路

那麼在綠茵場上奮戰多年，一時間退居幕後，可有感到不捨？「33歲唔踢算唔算早呢？喺香港嚟講都算，不過就算唔係有呢個機會（指出任飛馬領隊），我都計劃咗轉換工作環境。至於有人問我甘唔甘心唔再踢，都係嗰句，我一早預咗轉行，依家有機會做領隊兼球員咪仲好，我平日應該會照跟大隊操練，繼續喺球場上攞滿足感。當然，我係會將領隊嘅工作擺喺首位啦！」一早已未雨綢繆、考取了多個專業資格和牌照的文彼得稱。

目標殺入港超三甲

據悉，飛馬新季教練團人腳鼎盛，包括港隊龍門教練范俊業等，文彼得謂很有信心與一班拍檔合作愉快，齊齊帶領飛馬衝擊新季目標。「希望飛馬可以喺聯賽打入三甲，同捧到一個盃賽冠軍啦！大家要支持我喎！」「文領隊」信心爆棚地道。

應季高級組銀牌盟主東方，新季決意「大換血」，効力兩季的前流浪及南華守將文彼得，率先透過facebook宣布離隊消息，並自爆將接受人生新挑戰！原來，文彼得的下一站……就是擔任飛馬領隊兼球員！