一個天堂、一個地獄！雷霆控衞「潮韋」韋斯布克昨日狂轟37分，助球隊作客大炒木狼，但由於塘鵝同日憑封阻王安東尼戴維斯（AD）的出色表現，成功擊敗馬刺，以較佳對賽成績保住西岸第8位殺入季後賽，令職業生涯首次成為得分王的「潮韋」，成為自2003至04年球季後首個緣盡季後賽的得分王！

安東尼戴維斯（右）鎮守籃底，仲有邊個敢剷入去。（美聯社圖片）

韋斯布克（左）入唔到季後賽，畀個得分王佢都冇癮。（美聯社圖片）

常規賽數據王

周四戰果

韋斯布克昨日作客木狼一戰中，上半場已經砍下隊史紀錄的34分，全場共得37分，助雷霆以138:113大勝。惟塘鵝同日主場硬撼馬刺，藉AD交出31分、13個籃板的「雙雙」成績，終以108:103險勝對手，以較佳對賽成績力壓雷霆，取得西岸最後一張季後賽入場券。「潮韋」雖以場均28.1分，榮膺今季聯盟得分王，可惜球隊無緣季後賽，令他十分「冇癮」。

韋斯布克做最冇癮得分王

「潮韋」在賽後發晦氣：「叻仔！好嘢！我可以喺屋企睇其他人打季後賽喇依家。做到得分王（但入唔到季後賽）一啲意義都冇。」職業生涯首次成為得分王外，這位雷霆控衞亦成為03至04球季後另一個無法打入季後賽的得分王，當年効力魔術的麥基迪亦嘗過同樣滋味，難怪當記者問他得分王意味着甚麼時，「潮韋」只答一個字：「Shit（狗屎）！」AD除率領塘鵝趕上季後賽尾班車外，更以場均2.9次封阻，連續兩季當上封阻王。

AD成史上最年輕兩屆封阻王

比起成為史上最年輕兩屆封阻王，22歲的AD為首次亮相季後賽更感興奮：「賽前我話入唔入到季後賽都唔緊要，其實我係想盡量唔好畀季後賽影響自己表現，先會咁講。老實講，季後賽對我哋成班波嚟講意義重大，所以今場大家先打得咁落力。」

東岸方面，溜馬最後一場不敵灰熊，在對賽成績較差下，將東岸第8位拱手讓予籃網，無緣季後賽。