騎士「大帝」勒邦占士昨日對塞爾特人一戰中，除個人轟入27分，帶領球隊主場以110:79大勝外，更於累積得分榜超越舊隊友雷阿倫，升上第21位。占士賽後鋪「雷神」相感謝對方教導，又贈6萬美元（約46萬港元）名錶予「偶像」朗拿甸奴。

騎士昨日主場迎戰東岸弱旅塞爾特人贏得輕鬆，7名球員得分達雙位數，當中「大帝」獨得全場最高27分，成為球隊贏波功臣。這27分亦讓勒邦占士於累積得分榜，超越前熱火隊友雷阿倫，以24,508分排第21位。賽後「大帝」謙稱：「當得知今場後（喺累積得分榜）過咗雷阿倫，真係令我好感動，我相信自己嘅職業生涯到目前為止都算唔錯。」

46萬限量名錶贈「細哨」

「大帝」其後在Instagram上載「雷神」照片，感謝雷阿倫對自己在籃球、家庭等方面都有不少啟發及教導。日前占士更將自己與瑞士名牌愛彼錶合作設計的限量版名錶，送給巴西足球名將朗拿甸奴。「細哨」收到禮物後心情大靚，除在社交網鋪相「晒錶」外，亦不忘感謝老友送禮。

另邊廂，金塊日前辭退教練梳爾後即贏波，昨日憑加連拿利攻入26分，主場以106:95擊敗公鹿，終止6連敗。