澳門GT盃風頭躉歐陽若曦Darryl與其VLT維他「檸茶戰車」，在賽事中取得第9名，Darryl坦言對賽果失望，但也證明澳門GT盃水平愈來愈高。至於另一香港車手方駿宇Adderly僅以第20名衝線，然而他為了賽車不惜放棄學業又唔拍拖，對賽車的一股火仍在熊熊燃燒。

歐陽若曦（右三）唔係咁滿意今次賽果。

方駿宇

避意外煞車 連跌幾位

排第5出賽的歐陽若曦起步後未能搶佔有利位置，更被後車越過，沿途在7至9位間徘徊，最終取得第9名，Darryl解釋：「起步後發現前車有所碰撞，如果我不煞車肯定會撞，結果連跌幾位，可能架車設定做得不足，往後幾圈愈跑愈慢，無法追上。」

趕早船前來打氣的維他奶國際集團有限公司香港行政總裁齊松對賽果處之泰然，他笑說：「其實今次合作很成功，帶出很多正面訊息，至於賽果則無法預計，當然如果勝出就更好，輸了也可當是一場試煉。」

方駿宇賽車大過天

試過F1滋味的方駿宇雖然今次賽事畧為失色，但卻鬥心不滅，事關為了賽車，這位香港F1第一人可以連拖都唔拍！Adderly 14歲參加方程式賽車，在香港讀KGV，之後到英國入讀牛津主修賽車工程，讀到三年級因為考試與賽車撞期而休學，亦為了賽車周遊列國至今未有女朋友：「賽車場的女孩子年紀都比我大，中學同學亦甚少聯絡，所以沒有拍拖。」Adderly對賽車的專注和投入，可見一斑。