【Oliver、Martin澳門直擊】第61屆澳門格蘭披治大賽車進入戲肉，不但天氣回暖陽光普照，Racing Queen大軍殺到更令賽車場慶上加慶，中日韓港澳車模大混戰，鬥搶鏡爭取曝光機會各出奇謀，大賽車正本戲上演前，場外Racing Queen已經鬥得燦爛。

嘩，一班韓國車模同韓流女團一樣咁索。

上海孖妹

（鄧宇航攝）

珠海美人

搶鏡港模

廣州索女

日本娃娃

今屆賽事由「太陽城集團」冠名贊助，比賽首日未有動靜，來到昨日早上突然來個晒冷式亮相，車模採取人海式密集攻勢，出動10名南韓模特兒及一對上海孖女，總共12位車模艷麗登場，韓妹向車迷狂送飛吻及放電，並向大家打招呼：「晏唷黑些唷（韓文）！」至於一班靚女有否經過「人工修飾」，各位自行研究。

同行一對上海孖女，姐姐叫朱雯，妹妹叫朱靜，23歲未有男朋友，來到澳門實大把人追啦！據悉，贊助商冠名今屆賽事，決定落重本搞氣氛，12位車模遠道來澳門工作，費用不菲，薪酬為香港車模的雙倍，估計日薪4,000港元，連同機票食住，使費不少。

日本妹走「卡娃兒」路線

至於韓妹宿敵日本妹亦於昨日現身，暫時只有兩人，憑「卡娃兒」取勝，令廣大龍友非常歡喜。同場尚有兩對廣州及珠海車模同大家見面，廣州車模一個叫得得，一個叫May May，珠海車模就叫小丹同銀芷，他們都對參與今次澳門大賽車感到好興奮。一眾車模都走性感路線，然而當中3位撐起雨遮的車模，一套連身裙頗為保守，成為車模群的「異類」。

「香港代表」日日轉造型

香港車模方面，車軚贊助商YOKOHAMA請來兩位高質美女LOLO同Crystal主場迎戰，兩人將會在賽車場工作3天，包括到起步線及頒獎台參與儀式，為了令車迷保持新鮮感，她們每日都會以不同造型示人，果然係搶鏡高手。