湖人昨日作客灰熊，主將高比拜仁雖攻入28分，但湖人仍以102:107輸波。高比今仗後起手次數超越了米高佐敦升上史上第3位之外，亦成為聯盟史上投失次數最多的球員。

NBA「炒粉王」個名咁醜，高比拜仁（左）緊係話唔Care啦。（法新社圖片）

NBA常規賽周五秩序

NBA周三戰果

高比拜仁今戰雖然攻入了28分，但其實「炒多過中」，全場26投10中，職業生涯總共射失了13,421球，超越了塞爾特人名將夏夫歷卓克，成為聯盟新一代「炒粉王」。賽後，Kobe被問及新紀錄一事時，表現得漠不關心：「我冇Follow呢啲紀錄喇，我打咗得分後衞呢個位成19年，射失咁多好正常。19年喎！」另外，他更在累積起手次數榜超越了「波神」，次數多達24,542次。

魯域斯基成外援得分王

同晚創出新紀錄的不止高比一人，小牛老將魯域斯基在昨日主場迎戰帝王一賽中，攻入全隊最高23分，助球隊以106:98贏波外，職業生涯累積26,953分，爬過火箭名宿奧拉祖雲，成為聯盟累積得分榜第9位，並成為聯盟外援「得分王」。

另外，湖人後衞艾靈頓的父親於當地時間周日晚於費城不幸被槍殺。得知此消息後，球隊已批准艾靈頓「無限期休假」。