熱火今夏雖有主力「大帝」勒邦占士（LeBron James）重返騎士，令「3巨頭」拆夥，但對這支邁阿密球隊未有受到太大影響。他們昨日於主場迎戰速龍，憑保殊交出21分、11個籃板的「雙雙」，助熱火以107:102贏波，取得開季3連勝，成為今季東岸僅餘的不敗之師。

保殊（右）今季做熱火大佬，再次肩負搶分重責。（美聯社圖片）

NBA常規賽周三秩序、周一戰果

除了保殊的「雙雙」，上季飽受傷患煎熬的韋迪（Dwyane Wade），今戰表現亦不遑多讓，貢獻19分、11個籃板及7次助攻；熱火憑藉狀態大勇的「孖寶」，以5分之差擊敗速龍，開季3戰全勝。保殊過去4季活在「大帝」陰影下，今季多得後者離開，成為主隊的首席射手，可以更隨心所欲地進攻，大有2003至10年効力速龍時的影子。

邁阿密市「全勝」

保殊賽後不諱言，自己無法再像過去4年一樣，只做輔助的角色：「都差唔多係時候做番自己，我知道自己冇可能好似過去4年咁，淨係喺外圍游走之後射幾球就算數，係時候打得進取一啲。」熱火明早於主場迎戰西岸勁旅火箭，將會迎來最大考驗。（now635台周三早上8:30直播）

隨着熱火在這個周末的背靠背比賽都取勝後，邁阿密市球迷迎來「完美周末」。因為不只熱火，NFL球隊邁阿密海豚、邁阿密大學的美式足球隊及NHL的佛羅里達美洲豹都在今個周末取得勝利。根據美國運動數據公司STATS的數據顯示，今次是這4支隊伍第4次在同一個周末一起取勝，亦是首次取得5戰全勝佳績。