保特昨日訪滬接受傳媒訪問，大談波經及前程。這位曼聯忠實粉絲表示絕對會力撐愛隊，期望「紅魔」可以扭轉開季4場不勝的頹勢，又再重申退役後盼由田徑場轉戰足球場，目標甚至在英超落班，一圓夢想！

宣稱已有女友的保特，在訪問中承認曼聯上季表現一般，希望領隊尹戈爾今季可扭轉乾坤：「我梗係想佢哋今季有好表現啦。雖然開季踢得好曳，但係我仲好期望佢哋之後踢得愈嚟愈好。」

疏於練習做唔成DJ

當被問及將來退役後有何打算？這位牙買加飛人就希望可以一圓成為足球員的夢想：「我最想都係做職業球員，希望將來可以喺英超踢波。」雖然保特酷愛打機、夜蒲，又熱愛打碟，但他表示現時行程太密，自己疏於「練習」，故此不太可能轉行做職業DJ搵食呢！