騎士巨星勒邦占士（LeBron James）完成「RISE」籃球之旅廣州站行程後，今日來到第3站香港與球迷進行零距離接觸。近日被傳重返騎士非由自己決定的「大帝」，在首站北京避談此事，其商業拍檔Maverick Carter昨日就出來澄清，強調沒有人強迫LBJ「回家」。

勒邦占士（右）於廣州出席新鞋分享會。

勒邦占士

「大帝」今日行程

占士昨日現身廣州出席其新鞋分享會，雖然這次已經是「大帝」第10次出訪中國，但其人氣有增無減，吸引過千名球迷湧到NIKE的廣州旗艦店追星，將店外大街逼得水洩不通。

波鞋街→港大→麥花臣

這位聯盟第一小前鋒今日「轉戰」香港，先在旺角「波鞋街」的NIKE Store舉行新鞋分享會，之後到香港大學舉行「Father and Son Camp」親子籃球訓練活動，繼而返回旺角，於麥花臣球場舉行「RISE Challenge」選拔，選出一名球員代表香港於7月底到上海參加下一輪活動。

近日傳出占士今夏重返母會騎士，可能有商業夥伴從後推波助瀾，「大帝」前日於北京見傳媒時避談轉會事，只是講述自己的夢想，令其兒時好友兼商業夥伴Maverick Carter要代他澄清。Carter昨日在《ESPN》電台節目說：「呢個（重投騎士）係LBJ自己嘅決定，如果佢問我同拍檔嘅意見，我哋會詳細分析箇中利害，但唔會逼佢做任何決定。佢已經29歲，又有自己嘅事業同家庭，絕對可以為自己嘅前途話事。」