馬刺老將鄧肯（Tim Duncan）日前接受聯盟官網訪問，自爆因膝傷關係只得一隻半腳比賽。雖然膝傷令他無法再打出以往的表現，但鄧肯仍為第5隻總冠軍指環着迷，希望帶領今年表現出色的馬刺擊敗熱火，奪得總冠軍。

鄧肯（左）決心贏取個人第5隻總冠軍指環。（美聯社圖片）

因膝傷被迫改變打法

馬刺主帥普波維治（Gregg Popovich）曾向媒體透露，鄧肯因為膝蓋傷勢有一隻腳不能完全伸直，只能用一隻半腳打波。鄧肯表示，因為傷勢改變了自己的打法：「我學識點樣喺傷患影響下都打出水準嘅打法，雖然唔可以好似以前咁爆過人，但係我仲可以為隊友做單擋，幫佢哋搵機會進攻，即使我冇瘋狂單對單搶分，我依然可以保持高效率表現。」

韋迪插水罰5000美元

與此同時，鄧肯透露自己的職業生涯得以持續，其實多得普波維治對他的愛護，這位球壇「長青樹」認為馬刺球員今年表現夠集中及硬淨，所以絕對有機會為他帶來第5隻總冠軍指環。

另外，由於在總決賽Game 2面對馬刺後衞真路比利（Manu Ginobili）防守時造出過於誇張的動作，熱火主力之一韋迪（Dwyane Wade）昨被聯盟以「插水」為由罰款5,000美元（約38,757港元），韋迪同時成為今年季後賽第5位因「插水」被罰的球員。