騎呢將帥出奇招制勝！紐約人昨造訪小牛，紐約人射手JR史密夫（JR Smith）在比賽期間突然鬆掉小牛前鋒馬利安（Shawn Marion）鞋帶，雖然紐約人以92:80大勝對手，但史密夫隨時要面臨受罰；另邊廂教練傑特（Jason Kidd）則相當迷信，認為自己不戴領帶便可率籃網贏波，認真「騎呢」。

紐約人前鋒史杜迪米亞（下）被對手撞跌仍不忘護住皮球，鬥志爆燈。（美聯社圖片）

NBA常規賽周三秩序

「鞋帶門」事件發生在比賽第2節，當時小牛獲得罰球機會，紐約人「壞孩子」JR在搶籃板之前突然出手，解掉馬利安的鞋帶，分散後者的注意力。怪招雖然得逞，但聯盟或會向史密夫作出處分。史密夫最終亦貢獻了7分、7個籃板，協助紐約人以12分之差大炒小牛。賽後紐約人教練活臣（Mike Woodson）亦大讚一班後備球員：「我認為後備球員打得好好，之後嘅比賽，亦需要佢哋繼續有咁出色嘅發揮。」

迷信傑特唔打呔「幫」籃網

另一支紐約球隊籃網今早主場迎戰鷹隊，教練傑特見早前兩仗自己不戴領帶，球隊都能獲勝，賽前一日這位名帥決定繼續迷信：「我肯定聽日（今日）都唔會打呔。」同時，湖人昨日主場對金塊以115:137大敗，養傷中的巨星高比拜仁（Kobe Bryant）呼籲球迷於全明星賽投票給聯盟新星，不要再盲目投給自己，認真有大將之風。