占士夏登（James Harden）、艾榮（Kyrie Irving）2013「衰收尾」！昨日為美國「大除夕」，夏登及艾榮兩大籃壇新世代球星齊齊於收爐戰「領嘢」，「大鬍子」關鍵時刻連環「孭鑊」累火箭主場以106:110不敵帝王；騎士王牌艾榮則疑似左膝受重創，甫踏入2014年即可能面臨長抖！

占士夏登（前）成場波表現唔錯，可惜衰收尾。（美聯社圖片）

NBA常規賽周五秩序

周三戰果

昨日為美國時間「大除夕」，賽前表示新一年願望「想做個大男人」的夏登，昨仗為火箭披甲鬥帝王打到虎虎生威，並攻入全場最高的38分，不過「大鬍子」卻功不抵過，完場前43秒當火箭落後1分時，這位球星先被帝王中鋒古辛斯（DeMarcus Cousins）「打荷包」導致輸快攻，短短13秒後又因為1次進攻犯規失掉控球權，成為火箭最終以4分輸波的罪人。

林瘋為夏登講好說話

夏登連累火箭兩連敗，隊友林書豪（Jeremy Lin）賽後則為「大鬍子」講好說話：「人人都怪責夏登，但如果唔係佢，火箭晨早畀帝王大炒，夏登真係打得好好！」

艾榮左膝「啪一聲」

另邊廂，騎士昨晨以76:91不敵溜馬之餘，王牌控衞艾榮更於第3節扭傷左膝，「Uncle Drew」賽後表示聽到膝部「啪一聲」，會方今日會安排艾榮接受磁力共振檢查，消息指前者或面臨長抖，明早騎士鬥魔術「Uncle Drew」難以披甲。