火箭窩心孖寶佳節送大禮！今日是拆禮物日，柏臣斯（Chandler Parsons）及杜域侯活（Dwight Howard）認真「唔話得」，柏臣斯放棄靚仔形象剷青鼓勵癌病兒童，「超人」則每位隊友送隻「撈」振奮軍心。一個有愛心，一個夠豪氣，火箭孖寶今個聖誕夠晒窩心！

NBA常規賽周五秩序

侯活送隊友 一人一「名錶」

有「籃壇Justin Bieber」外號的柏臣斯出名靚仔，這位火箭球星昨日懶理形象決定剷青，一班女Fans肯定當堂嚇一跳。據《休斯敦紀事報》透露，柏臣斯早前探訪過1位患上末期癌病的10歲小球迷迪卡利，雖然迪卡利無懼死亡，但就因接受化療導致甩頭髮而鬱鬱不歡。柏臣斯稱：「迪卡利擔心冇晒頭髮會同佢個孖生兄弟唔似樣，身為迪卡利偶像，我決定剷青扮番佢，希望畀個驚喜迪卡利，支持同鼓勵吓呢位抗癌勇士。」

柏臣斯為鼓勵病童犧牲一頭潮爆髮型，隊友侯活為激勵士氣更加大出血，趁聖誕向每位隊友送上勞力士等名錶，眾將收完厚禮，明早主場恭候灰熊更定打得起勁！（now635台周五早上9:00直播）