NBA雙星各自各精彩!馬刺老將鄧肯(Tim Duncan)外表木獨,但原來「冧女」有一手,這位37歲中坑離婚半年後已被美媒踢爆冧掂真人騷索爆女星Vanessa Macias,順勢打破同性戀傳聞!另一沙場老將韋迪(Dwyane Wade)亦有搞作,將單身老竇經歷情節賣畀電視台拍劇Sell溫情。

斷背冧女王 鄧肯

NBA常規賽周五秩序

周三戰果

今年5月底離婚的鄧肯,一直被傳是同性戀者,已婚後無間斷地與一位大學親密男友「行埋」,成為前妻Amy提出離婚的導火線。之不過失婚接近半年的Timmy,就用行動證明自己百分百鍾意女人!

Vanessa社交網承認戀情

據美媒《Terezowens》爆料,鄧肯最近與現年31歲的Vanessa撻着,該名真人騷女星樣靚身材正,連馬刺球迷都大讚「頂瓜瓜」,Vanessa近期更多次被目擊現身馬刺比賽為愛郎打氣,並透過twitter承認與鄧肯的戀情。

韋迪賣單身老竇情節畀電視台

過往不少真人騷女星為求上位,都喜歡埋NBA球星堆製造緋聞,不過Vanessa友人就向美媒否認事件:「要做新聞都唔搵鄧肯啦!聖安東尼奧(馬刺所屬地)傳媒嘅覆蓋率唔高,同鄧肯拍拖根本上唔到頭條,佢哋兩個係真心相愛!」

鄧肯有新歡,韋迪亦於場外有新嘗試。據《ESPN》報道,「閃電俠」將自己的單身老竇經歷賣畀FOX電視台,FOX將會以韋迪獨力撫養兩名孩子的真人真事,改編成一部名為《Three the Hard Way》的電視劇,三仔爺溫情故事入屋,噱頭十足。年屆31歲的「閃電俠」昨日掛免戰牌,但熱火依然憑勒邦占士(LeBron James)貢獻「13+6+5」數據,主場以104:88擊敗鷹隊錄4連捷。