「鐵人」祖高域勇挫費達拿締18連勝！這位塞爾維亞球星繼上周末於巴黎大師賽後，昨晨再於倫敦舉行的ATP網球年終賽以6:4、6:7（2:7）及6:2再挫「瑞士天王」，於B組首戰旗開得勝。今場波雙方受體力問題影響，合共出現78次「無壓力失誤」，賽後「鐵人祖」笑言要好好把握一天休息，「叉足電」今晚再戰博迪奧！

費達拿4日內兩次輸畀祖高域。（法新社圖片）

（now636台周四晚10:00及周五凌晨4:00直播）

叉一日電迎戰博迪奧

祖高域似乎要將9月美網決賽不敵拿度的烏氣盡吐，先後在北京、上海及巴黎的賽事拿下冠軍，連同昨仗勇挫費達拿，成功造出18連勝走勢，全力向衞冕年終賽之路進發。

連場惡戰難免令祖高域體力受影響，昨仗面對「費天王」便間中有失準情況，可幸他在全場犯下33次「無壓力失誤」下仍能獲勝，賽後「鐵人祖」表示：「呢個係體能大考驗，能夠喺4日內兩挫費達拿真係冇得彈。好彩之後我有一日假期，抖抖叉電準備對博迪奧。」同晚A組拿度則以6:3及6:2輕取費利亞，報回在巴黎大師賽4強戰一敗之辱。