直播今屆學界D1泳賽的now Sports派出「雙妹嘜」記者陳楚淇（Yuki）及張嘉殷（Yan）在池邊四圍走，找得獎選手做即場訪問，報道現場實況，兩人均是第一次做學界泳賽，感覺好新奇，更想不到現場氣氛如此熱鬧。

陳楚淇Yuki（左）、張嘉殷Yan

Fans嗌爆全場

「刨」場刊（目及）實明日之星

「2Y」在now Sports各有專長，Yuki負責外國波報道，主力做英超賽事，Yan就較多外勤工作，主力採訪本地足球賽。兩人今次被派到九龍公園採訪學界賽，由於之前從未做過同類比賽，對住幾百個泳手、過千師生的打氣場面，兩人都表示感覺新鮮，Yan說：「估唔到學界泳賽氣氛咁熱鬧，除咗訪問得獎泳手，還要採訪各間學校打氣團。」至於Yuki就比較緊張賽事資料，猛「刨」場刊：「最緊要留意有機會破紀錄的泳手，佢哋隨時係泳壇明日之星呢！」