皮雅斯（左）為咗氹加納特（中）過檔，講電話講到全身濕晒。（美聯社圖片）

NBA東岸新貴籃網昨晨於巴克萊中心球場「晒冷」，為新加盟的「綠三軍」皮雅斯（Paul Pierce）、加納特（Kevin Garnett）及泰利（Jason Terry）召開加盟發布會。皮雅斯自爆講到口水乾晒才成功勸服老死加納特齊齊過檔，至於泰利就豪言擁有一套滅「火」方程式，有信心可以砌低衞冕隊伍熱火奪得新季總冠軍！

皮雅斯（左）為咗氹加納特（中）過檔，講電話講到全身濕晒。（美聯社圖片）

泰利豪言有「滅火方程式」

在塞爾特人度過了15個球季的皮雅斯，日前透過instagram喪「鋪」昔日為「綠軍」征戰籃壇的多幅經典照片，同時感激波士頓為他帶來的美好時光。「PP」昨晨出席發布會時，自爆當初勸掂加納特過檔的經過：「當日我同KG傾咗成兩粒鐘電話先游說到佢齊齊過檔，大熱天時喺條街度傾完電話成身都濕晒，不過有機會奪冠嘅話，絕對值得我嘥咁多口水。」

另一位新兵泰利則表示，他與現時籃網教練傑特（Jason Kidd）於2011年率領小牛砌低熱火奪冠，雙方已經手執一條滅「火」方程式，更雄心壯志稱籃網已經齊集奪冠元素，新季有能力衝擊總冠軍。