梅萊做「酒店大亨」嘅夢想隨時幻滅！呢位新科溫網男單冠軍早前斥資180萬鎊，買入家鄉鄧伯蘭鎮附近嘅Cromlix House酒店，佢原本想將佢改建成一間有米芝蓮級餐廳在內嘅5星級酒店，點知裝修前先發現酒店裏面有稀有品種嘅蝙蝠巢穴。為研究保育方案，2014年9月完工嘅目標極可能延遲。另外，喺溫網女雙奪標嘅彭帥獲湖南省一間企業送贈過千呎住宅，父親彭冀軍更大爆愛女12歲曾做心臟病手術，植入了6根彈簧先至可以延續網球生涯。