首圈焦點賽事

澳洲桌球公開賽聽日開打，以世界「一哥」之位衣錦榮歸嘅羅拔臣，賽前豪言近期改打「進攻桌球」後狀態已達高峰，佢深信自己有能力一掃過去兩年喺次圈出局嘅頹風。

首圈焦點賽事

Marco今出發周三鬥杜赫迪

雖然兩年前大師賽曾被手下敗將卓林普批評打法沉悶，但羅拔臣卻以行動回應，尤其近期積極進攻嘅打法令球迷眼前一亮，佢話：「其實我一向都打得好流暢o架，每當我打得夠快同夠進取，我就可以發揮最佳水準。」自2010年12月後終於重返世界第一之位嘅羅拔臣，雖然盛讚聽日首圈對手甘保係個戰術高手，但佢依然強調會繼續以攻為守。

今年係澳洲公開賽復辦第3年，呢位挾「1哥」身份回歸嘅澳洲靚仔球手對奪標信心十足：「之前兩年我返嚟時狀態都麻麻，不過今年唔同晒，我唔會畀自己太大壓力，只會做番自己。」雖然今屆澳洲賽有部分一線球手缺陣，惟「中港一哥」丁俊暉、傅家俊皆將赴會出戰，其中Marco會喺今日出發備戰星期三鬥杜赫迪。