熱火成功衞冕總冠軍後，球員拉隊前往邁阿密當地最享負盛名的夜店Story Nightclub狂歡慶祝。據《ESPN》報道，熱火於夜店點了100支法國名貴香檳酒Dom Perignon，以及3樽3升裝的香檳，價值10萬美元（約77萬港元）。不過夜店老闆就決定大破慳囊，一毫子都唔收，務求一同分享熱火奪冠的喜悅。

冠軍功臣韋迪（Dwyane Wade）可謂事業愛情皆得意，因他在慶祝會中向女友尤尼恩（Gabrielle Union）求婚成功，據知情人士透露，韋迪於VIP房在勒邦占士（LeBron James）與一眾隊友及好友見證下，成功娶得美人歸。職業生涯第3冠到手，求婚又「告捷」，雙喜臨門。

丹尼格連同場現身

慶祝活動同時出現一位「不速之客」─馬刺射手丹尼格連（Danny Green）。丹尼格連早年曾與占士於騎士做隊友，今次又與占士於夜店擁抱，自然被媒體諷刺為「終極臥底」。不過，丹尼格連則作出澄清：「我哋需要向熱火表達敬意，但千萬唔好認為我係同佢哋一齊慶祝，只係咁啱出現喺相同嘅地方，係時間上嘅錯誤。」