「狂牛」捧完場公布波衫冧巴

喺美國集訓嘅西班牙國家足球隊尋日都有拉隊入場觀戰,中堅碧基原來係馬刺Fans,仲喪叫:「馬刺必勝!鄧肯係MVP!」另一守將沙治奧拉莫斯仲將同隊友影嘅合照放上twitter。「狂牛」亦公布咗喺洲際國家盃嘅波衫「冧巴」,大部分球員號碼同上年歐國盃相同,不過前鋒蘇爾達杜就着上原屬沙比阿朗素嘅14號;翼鋒柏度洛迪古斯亦將7號波衫讓番畀射手韋拿,自己改穿11號;中堅佩奧爾嘅5號波衫就由右閘艾斯派古達披上。

「狂牛」捧完場公布波衫冧巴