傑特（左）同格蘭希爾兩個一代球星齊齊選擇今季退休。（美聯社圖片）

「神奇小子」宣布退役！繼格蘭希爾（Grant Hill）之後，同樣於94年踏足NBA的紐約人控衞傑特（Jason Kidd）亦決定退休，為19年輝煌NBA生涯畫上句號。兩位籃壇長青樹關係千絲萬縷，94至95球季更共同榮膺最佳新秀，如今齊齊退休無疑令人不勝唏噓。

傑特（左）同格蘭希爾兩個一代球星齊齊選擇今季退休。（美聯社圖片）

「94同學會」僅剩祖雲侯活

職業生涯10次入選全明星賽的傑特，曾効力過小牛、太陽及籃網，前季更於小牛獲得生涯唯一一枚冠軍指環，以助攻及「三雙」最耍家見稱的「神奇小子」，日前參加婚禮時透露退役因由：「我度過咗一段難以置信嘅旅程，依家係時候告別。我希望有多啲時間陪朋友，呢個係我退役嘅原因，未來我會考慮教練或者評述員工作。」

傑特退役後，「94同學會」僅得熱火老將祖雲侯活（Juwan Howard）仍然馳騁沙場，另有消息指塞爾特人中鋒加納特（Kevin Garnett）亦計劃步傑特後塵，今夏進行腳踝手術後便會高掛球靴。