前港羽「大姐大」王晨出名夠辣，轉執教鞭依然霸氣長存，然而去年「升呢」做媽媽的她，對住囝囝「龍龍」卻「一反兇態」，處處流露出母性一面，即使老人家說「棒下出孝兒」，但「晨姐」強調拒做嚴媽、要當慈母，只盼愛兒開心成長；今天與「龍龍」度過首個母親節，王晨坦言「簡單是福」，並祝願天下媽媽母親節快樂！　　

首次走進王晨家，滿屋擺放了嬰兒用品及一堆玩具，這位昔日球場「烈女」抱着囝囝鄭星駿笑不攏嘴：「我哋叫佢『龍龍』，因為佢龍年出世。」她坦言從前不喜歡小孩，直至首次抱起兒子時才感到那份溫馨：「未生之前我唔鍾意細路，覺得好煩。其實生完嗰刻都冇乜感覺，唔係第一時間睇佢，醫生叫我幾次抱佢餵奶，最終第二日先肯餵，但第一次抱上手餵奶嗰陣，感覺好特別、好親切，嗰刻真係feel到乜嘢叫做母愛。」

「教細路唔一定要打」

強悍、不服輸是王晨個性，可對着「龍龍」卻變「輸家」：「朋友常笑我『終於有人治到你』，我本身一直覺得呢個世界無嘢可怕，可以掌握，我唔覺得有乜嘢會係特別難，但對住細細個人仔，鬧佢、佢唔識，打又唔得、會心痛，有時真係無辦法，好似有次佢唔瞓覺要玩，起初我堅持唔理佢，但最後我都要屈服。」你會是「嚴媽」嗎？「晨姐」斬釘截鐵說：「不會。我會做慈媽，佢爸爸成日話我『慈母多敗兒』，哈哈……我估自己都會好寵佢。」坐在旁邊的老公鄭昱閩亦「搭嘴」：「點解要嚴？教小朋友唔一定要打。」事實上，王晨當媽媽後性格也轉變不小：「逼住你要有耐性，唔可以急，因為有啲嘢急都急唔嚟。」

學游水緊要過羽毛球

「龍龍」已經10個月大，很多香港家長已經為這個階段的孩子想將來，搵Playgroup、興趣班、找學校，但王晨直言：「太誇張喇！我依家真係無計劃，我唔想咁快畀壓力佢，我想佢開心、健康成長。」遺傳了父母運動基因，「龍龍」相當好動，除瞓覺外「無時停」，雖然爸媽都是羽毛球高手，但兩人沒有想過一定要愛兒「承繼家業」，反而必須要學游泳，因為這是求生技能。「晨姐」還透露會讓兒子在港升學，若遇上太大壓力才考慮送他出國讀書。